قصه : غريبه

الأربعاء سبتمبر 15, 2010 2:38 pm

كانت أسرة صغيرة تعيش فى هناء: الأب، والأم، وطفل صغير.. وفى يوم مات الأب ، وبقى الطفل يتيم فى البيت مع أمه، الذى أصبحت عليها المسئولية كلها أكثر مما يجب !.

وفى يوم من الأيام بالقرب من العيد طلب الطفل من أمه مبلغ 100 جنيه لكى يشترى لبس ولعب العيد مع أصدقاه ، وكانت الأم فى تعيش فى أزمة مالية فى هذة الفترة فقالت لطفلها بحنان وايمان عجيب "بابا الى فى فوق فى السما هيبعت" فقال لها الطفل "وهو مين بابا الى فوق فى السما" فقالت له أمه "بابا يسوع الى فوق فى السما هيبعت كل حاجة فى الوقت المناسب".

ولكن ظلت الأزمة المالية فترة مع الأم وظل الطفل يطلب من أمه المبلغ وهى ترد عليه وتقول "بابا الى فى فوق فى السما هيبعت"

وفى يوم أحضر الطفل ورقة وكتب فيها جواب لبابا يسوع يقول فيه "بابا يسوع الى فى السما انت اتاخرت أوى فى بعت الفلوس والعيد قرب وانا محتاج الفلوس علشان اعرف اعيد مع أصحابى ماما مش معها فلوس دلوقتى وكل شوية تقولى ان بابا يسوع هيبعت الفلوس وانا خايف تكون نسيت على فكره أنا بحبك أوى يا بابا يسوع حتى لو كنت نسيت" وأغلق الظرف وكتب عليه "مرسل الى بابا يسوع الى فى السما" وذهب ووضعه فى صندوق البريد.

وصل الخطاب الى عمال مكتب البريد وتعجبوا من أسم المرسل اليه فقرروا فتح الخطاب - وعندما فتحوا الخطاب تحركت مشاعرهم جداً وبكوا جميعاً وقاموا بتجميع مبلغ من المال وقدره 95 وقرروا أن يرسلوها فى خطاب للطفل ولذلك لايمانه العجيب.

فقاموا بوضع المبلغ 95 جنيه فى خطاب وكتبه عليه أسم الطفل و أسم الراسل "بابا يسوع الى فى السما"

وذهب به البوسطجى الى الطفل واعطاه الخطاب.

ففتح الطفل الخطاب وقام بعد المبلغ فوجد 95 فقط.
فرفع عينه الى السماء وقال:
"بابا يسوع أنا بحبك أوى وكل سنة وانت طيب علشان العيد وشكراً خالص على الفلوس بس يا ريت المرة الجاية مش تبعتها فى البوسطة علشان الناس الى فى البوسطة سرقوا منها 5 جنيه انا بحبك اوى"